NLW MS. 3035 (Mostyn 116) – page 150r

diaỽd margaret vrenhines wreic y moel cỽlỽm ar duỽ drỽy ymdi+

ret yn·daỽ. wedy clybot. ỻad y gỽr a|e mab hyt na bei vyỽ hi yn|y

varwaỽl vuched yma. a gỽarandaỽ a oruc duỽ y gỽedi kanys

erbyn y|seithuet dyd y|bu varỽ. ac yna yd aeth gỽilim goch bren+

hin y brytanyeit yr hỽnn kyntaf a oruu ar y saesson o glotuor+

ussaf ryfel hyt yn normandi y gadỽ ac y|amdiffyn teyrnas

robert y vraỽt yr hỽn a athoed hyt yg|kaerussalem y ymlad a

sarasinyeit a|chenedloed ereiỻ aghyfyeith ac y amdiffyn y crist+

ynogyon. ac y|haedu mỽy o glot. a gỽilim yn trigyaỽ yn nor+

mandi y gỽrthladaỽd y|brytanyeit ỻywodraeth y|freinc heb

aỻel godef eu creulonder. a thorri y|cestyỻ y|gỽyned a|mynychu

anreithaỽ a|ỻaduaeu arnunt. ac yna y duc y|freinc luoed hyt

y|gỽyned a|e keferbyneit a oruc kadỽgaỽn vab bledyn a|e kyrchu

a goruot arnu a|e gyrru ar fo a|e ỻad ac o diruaỽr ladua.

a|r vrỽydyr hono a|wnaethbỽyt yg|coet yspỽys. ac yn diwed y

vlỽydyn hono y|torres y|brytanyeit hoỻ gestyỻ keredigyaỽn.

a|dyfet eithyr deu nyt amgen penuro a ryt y gors a|r bobyl

a hoỻ anifeileit dyfet a|dugant gantunt ac adaỽ a wnaeth+

ant dyfet a|cheredigyaỽn yn diffeith. Y vlỽydyn rac ỽyneb

y|diffeithaỽd y|freinc gỽyr a|chetweli ac ystrattywi ac y|tri+

gyaỽd y|gỽladoed yn diffeith. a haner y kynhayaf y|kyffroes

gỽilim vrenhin lu yn erbyn y brytanyeit. a gỽedy kymrẏt

o|r brytanyeit eu hamdiffyn yn|y coetyd a|r glyned yd ymhoe+

laỽd gỽilim adref yn orwac heb heniỻ dim. Y vlỽydyn rac ỽyneb

y bu varỽ gỽilim vab baldwin yr hỽn a|rỽnwalaỽd casteỻ ryt

y gorss ac yna y gỽrthladaỽd brytanyeit brecheinaỽc a gỽent

a gỽenỻỽc ar·glỽydiaeth y|freinc. ac yna ẏ kẏffroes y|freinc lu

y|went. ac yn orwac heb heniỻ dim ac y ỻas yn ymchoelut