Breudwd Welsh Prose 1300-1425
Cymraeg

NLW MS. 3035 (Mostyn 116) – page 25v

Brut y Brenhinoedd

25v

nac aryant na meirych na|diỻat hyny oỻ a|rodei
ef o|e gytuarchogyon ac y baỽb o|r a|e mynei y gan+
taỽ. a gỽedy ehedec y glot ef dros wladoed goroec
yd ymgynuỻassant attaỽ paỽb o|r a|hanoed o|gene+
dyl droea o bop ỻe hyt yd oed teruyneu goroec. ac
erchi idaỽ ef bot yn|dywyssaỽc arnadunt ac eu ryd+
hau o geithiwet gỽẏr goroec. a|hẏnẏ a gedernheynt
ac a dywedynt y aỻu yn haỽd. Kanys kymeint oed
eu niuer gỽedy ymgynuỻaỽ ygyt ac yd oedynt seith
mil o|wyr ymlad heb y|gỽraged a|r|meibon. ac ygyt
a hẏnẏ heuyt yd oed y gỽas jeuanc bonhediccaf yg
goroec o barth y|dat. y vam ynteu a|hanoed o genedyl
droea. a sef oed y|enỽ assaraccus. a hỽnỽ oed yn ganhorth+
ỽy y genedyl droea. ac yn ymdiret yndunt. ac yn
gobeithaỽ kael nerth maỽr y|gantunt. a|sef achaỽs
oed hẏnẏ gỽyr goroec a oedynt yn ryuelu arnaỽ y+
gyt a braỽt vn dat ac ef. a|mam hỽnỽ a|e dat a
hanoed o|roec. a ryuel a oed yrygtunt am dri chasteỻ
a adaỽssei y|dat y assaracus yn|y varwolaeth yn ragor
rac y vraỽt. a|r rei hẏnẏ yd oed wyr goroec yn keis+
saỽ eu dỽyn y|arnaỽ. ỽrth na hanoed y vam ef o roec
kanys mam a|that y vraỽt a hanoed o|roec ac ỽrth
hyny yd oed borthach gỽyr goroec o|e vraỽt noc jdaỽ
ef. ac yna eissoes gỽelet o vrutus amylder ac ei+
ryf y|gỽyr a gỽelet y|kestyỻ yn gadarn ac yn ba+
raỽt idaỽ. haỽd vu gantaỽ vuydhau vdunt a|chym+
ryt tywyssogaeth arnadunt ~ ~ ~ ~
A c yna gỽedy drychafel brutus yn dywyssaỽc
galỽ attaỽ gỽyr tro a oruc o|bob man a|chadarn+
hau kestyỻ asaracus a|wnaeth ac eu ỻenwi o