NLW MS. Peniarth 11 – page 165v

canhỽyỻeu yn ỻosgi a|oruc. a thu ac yno y doeth ef. A cherdet heb

gorr yr hỽnn a|oed yn cladu pỽỻ. a cherdet heibyaỽ a|wnaeth ~

heb dywedut vn geir ỽrthaỽ. Lawnslot heb y corr iaỽn a|wney

di vynet heibyaỽ heb gyuarch gỽeỻ ym. kanys tydi yỽ y

marchaỽc o|r|wlat an·hoffaf gennyf yn|y byt. a|duỽ a|ỽnel ym

gaffael vyng|gỽynvyt ar dy gorff. Laỽnslot a|gigleu y corr

ac ny bu wiỽ ganthaỽ y atteb. ac y|r capel y doeth ef gỽedy rỽ+

ymaỽ y varch. a roi y waeỽ a|e dary·an ỽrth y mỽr. ac argan+

uot morwyn ieuanc yn amdoi marchaỽc marỽ a|oed yno.

Ac yr aỽr y doeth ef y myỽn y dechreuaỽd gỽelieu y gỽr marỽ

redec. Ac yna y vorwyn a|roes teir diaspat. Och arglỽyd heb

hi yr aỽr·honn y gỽnn i panyỽ tydi a|ladaỽd y|gỽr hỽnn. Ac

ar|hynny nachaf deu uarchaỽc urdaỽl yn dyuot. ac ygyt

ac ỽynteu deu uarchaỽc ereiỻ yn uarỽ. ac eu dwyn y|r|capel

a|orugant. Ac yna y corr a|lefaỽd ac a|dywaỽt. Yr aỽrhonn

y gỽelir pa|delỽ y dialaỽch chỽi ar ych gelyn. yr hynn a|w+

naeth. ac ynteu gỽedy dyuot attaỽch. A|r marchaỽc urdaỽl

a ffoassei pan doeth gwalchmei att laỽnslot a|oed yno. ac a

dywaỽt ỽrth laỽnslot. O|th achaỽs di heb ef y ỻas y trywyr

hynn. Gỽir a|dywedy di heb·y|laỽnslot. kanys ỽynt a haedas+

sant eu hangeu. ac o vyỽn y|r capel nyt reit ymi aỽch|o+

vyn chỽi. nac o|r capel nyt af|inneu heno yny vo dyd. a

drỽc vu ganthaỽ vot y varch heb vỽyt. ac yno y bu ef hyt

trannoeth. A|phan|weles ef y dyd ef a|gymerth y arueu ac a|e

gỽisgaỽd. ac a|aeth ar y varch. Ac yna y corr a|lefaỽd ar y

marchogyon. Pa beth heb ef ae gadel aỽch gelyn y vynet ~