NLW MS. Peniarth 11 – page 186v
Ystoriau Saint Greal
186v
A chyt bo y ioseus hỽnnỽ yn veudỽy. gỽybyd di yn|lle gỽir
nat oes yn hoỻ vryttaen vn corff vỽy o gryfder a|milỽry·aeth
yndaỽ noc yn yr eidaỽ efo. arglỽyd heb·y gỽalchmei ef a|aeth
y ỽrthyf|i y|r|fforest. ac ny ỽnn i beth a|wnaf na pheth a|dywedaf
amdanaỽ. kanys arthur a|m anuones i o|e geissyaỽ ef. a|la+
ỽnslot o|r|parth araỻ. a|mi a|ymdideneis ac ef hyt hynn dwy
weith. ac nyt yttiỽ yn mynnu ymdangos ym nac ym adno*+
bot a|mi. a|myui a|dylyassỽn y adnabot ef pan safaỽd mor
syth ac y safaỽd hediw. a|vnbenn heb y meudỽy anaỽd yỽ
y adnabot ef na|e vedỽl. ac ny threulya ef haeach o|e|barable ̷+
u. yr dywedut peth ny mynno y wneuthur a|e gywiraỽ.
Y·gyt a hynny heuyt gỽyry o|e gorff yỽ ef heb chỽeith ha ̷+
logrỽyd yndaỽ. Mi a|wnn heb·y gỽalchmei vot arnaỽ ef
hoỻ gampeu da yr hoỻ vyt o|r a aỻo vot ar vn dyn. ac am
hynny y|mae doluryus gennyf|i. nat yttỽyf|inneu yn|y
gedymdeithyas ef. Yno y bu walchmei y nos honno. yn
drist iaỽn. A thrannoeth wedy offeren yd|aeth ef ymeith. ~
J Oseus yr ysgolheic da yssyd yn|dwyn ar gof ym panyỽ
y meudwy hỽnn a|elwit Jornnas. a marchaỽc urdaỽl ~
grymmus clotuaỽr vu ef. ac ef a|ysgaelussaỽd hynny oỻ
yr caryat ar duỽ. a|chỽbỽl o|r anturyeu a|glywssaỽch chỽi
yn|yr ystorya honn a|doethant med Joseus yr cadarnhav
cret grist. ac ny daỽ cof idaỽ ef y kỽbỽl ohonunt. namyn
y rei a|ỽypo ef eissyoes ef a|e dyweit. a|r reit certeynyaf onad+
unt oblegyt yr yspryt glan y kyuarwydywyt. Hỽnn yssyd
yn|dywedut marchogaeth o walchmei drỽy syỽrneioed yny
doeth y|r ỻannerch goch. Ac yno ef a|welei y pebyỻeu gỽedy|r
dynnu.
| « p 186r | p 187r » |