NLW MS. Peniarth 190 – page 137
Ystoria Lucidar
137
hangreiffteu a vyd amlỽc yna y baỽp. ac
yna megys y myỽn ỻyfreu y gỽyl paỽb
beth a|dylyassei y wneuthur. a|e ochel. ỻyvyr y|vu+
ched y˄ỽ buched Jessu. ac yn hỽnnỽ megys y myỽn
ỻyuyr y darỻe paỽb beth a|weỻygyassant
neu a|wnaethant o|r gorchymynneu. ỻyvyr
y vuched yỽ grym dwywaỽl. ac yno y
gỽyl paỽb eu kytwybot megys yn ysgri+
uennedic. discipulus Beth a vyd yna yn ol hynny.
Magister Gỽedy darffo y vraỽt. diaỽl yna a|e hoỻ
gorff. sef yỽ hynny yr hoỻ rei enwir. a vyrir
y|ngharchar. nyt|amgen y myỽn tan a
brỽnstan benn·dramynỽgyl. a christ a|e
wreicbỽys. sef yỽ hynny a|e etholedigyon
yn vudugaỽl o|ogonyant. a ymchoel y
nefaỽl gaerussalem y dinas y dat ef. discipulus
Pa|beth a|dywedir. Ef a wassanaetha ud+
unt yn mynet heibyaỽ. Magister Bỽrỽ ymeith
ffuryf y|was yỽ hynny. a|dangos o|e etho+
ledigyon pa ryỽ vn yỽ ef yn|y ogonyant.
megys y|dywedir. Mi a ymdangossaf vy
hun. discipulus Pa ryỽ·beth a|dywedir. Duỽ a vyd
| « p 136 | p 138 » |