NLW MS. Peniarth 190 – page 155
Ystoria Lucidar
155
claf anobeith. veỻy y byd gogonyant gan
duỽ a|r seint a|r engylyon. eu|gỽneuthur
ỽynteu yn iach. discipulus Owi o|r diruaỽr lewenyd.
discipulus O gedymdeithas y seint. Magister Kedymdei+
thas dauyd. a ionathas. gelynyaeth vydei
hynny ganthunt ỽy. owi o|r velys gedym+
deithas a vyd yn eu cuplessu ỽynt. duỽ
a|e car ỽynt megys y veibyon. ac ỽynteu
a garant duỽ yn vỽy noc ỽynt e|hunein.
a|r hoỻ engylyon a|r hoỻ seint a|e carant
ỽynt megys ỽynt e|hunein. discipulus O duun+
deb y seint. Magister Duundeb lesius a sipio
anghyssondeb maỽr vydei hynny yno
ganthunt ỽy. kanys kyn|duunet vydant
ỽy ar deu lygat y edrych. kanys yn|y ỻe
yd edrycho vn ohonunt. ef a drossa y rei
ereiỻ yn|diannot. beth bynnac a uynno
un ohonunt. ef a|e mynn duỽ a|r hoỻ
engylyon. a|r hoỻ seint. discipulus Os duỽ a|r
hoỻ seint a vynnant bop peth o|r a|vyn+
nỽyf|i. minna* yna a vynnaf vy mot
yn gyffelyb y bedyr. Magister Diogel yỽ os mynny
| « p 154 | p 156 » |