NLW MS. Peniarth 190 – page 164
Ystoria Lucidar
164
ar|hyt y byt ac a|gynnuỻassant lawer
y adeilyat y duỽ. Y rei a|dygỽydaỽd o|r
kerbyt hỽnnỽ ynt y dynyon ny chrettont
yn iaỽn. megys y dywedir. Wynt a|aeth+
ant y ỽrthym ni kanny hanoedynt oho+
nam. Y rei a|ducpỽyt yno a|gyflehawyt
yn adeilyat ỻys nef. megys mein pe+
drogyl drỽy y goruchaf saer. Sef ynt y
rei hynny yr etholedigyon a lawenhaant
o|r pedwar|nerth pennaf. Nyt amgen.
pryder. a|chedernyt. a|chyfyaỽnder. a
chymhedrolder. O|r rei hynny y kyweir+
ir muryoed kaerussalem. Y mein ereiỻ
garỽ heb eu caboli a|vu anaf gan y penn+
saer. Nyt amgen no|r rei enwir a vyryỽyt
yn|y tan uffernaỽl. Y rei gỽirion a|dieng+
his odyno a vyd mur kadarn y|grist. drỽy
lewenyd tragywydaỽl. ameN. discipulus Duỽ a|th
gyflaỽnhao ditheu oruchaf athro o ogon+
yant y seint. a gỽelet ohonat brenhin
nef yn|y nef yn anrydedus a|daoed kaerussa+
lem yn hoỻ dydyeu dy vuched. ameN.
ac veỻy y teruyna lucidaR.
| « p 163 | p 165 » |