NLW MS. Peniarth 190 – page 184
Ymborth yr Enaid
184
ar beth parhaus tragyỽydaỽl. ac a|gyssyỻ+
dir ac ef yn|dragywyd. Yr eil a|dodir ar beth
amseraỽl tranghedic. ac ygyt ac ef y
treingk ac y difflanna. Y kyntaf karyat
perffeith yỽ. kanys peth perffeith gỽbyl tra+
gywydaỽl a|gar. Sef yỽ hỽnnỽ duỽ. Yr|eil.
karyat amperffeith yỽ. kanys amperfe+
ith yỽ karu y peth y gaỻer y gassau. ac
ymwahanu ac ef. ac angenn yỽ ymwa+
hanu a|pheth daruodedic. Y kyntaf a|elỽ+
ir cuedserch neu annỽylserch. kanys cu
ac annỽyl y dyly vot y serch a|gyssyỻdo
y serchaỽl a|e garyat yn dragywydaỽl.
Yr|eil a|elwir ynvytserch. kanys ynuyt
yỽ y serch a|difflanno gyt a|e serchaỽl.
am hynny tremygedic yỽ y kyfryỽ gary+
at hỽnnỽ ar dỽyỻgaryat. Y kyntaf ys+
syd berffeithgỽbyl eidunserch anrydedus.
kanys gỽrthỽyneb yỽ y|r karyat araỻ
knaỽdaỽl. ỻyma y fford y|daỽ yr annỽyl+
serch gỽynuydic hỽnnỽ. Y drindaỽt uen+
| « p 183 | p 185 » |