NLW MS. Peniarth 190 – page 188
Ymborth yr Enaid
188
1
dỽyrein. ỻunyer y|tat. yn|y gogled o|r tu
2
deheu y|r tat ỻunyer y mab. Yn|y|deheu
3
o|r tu assỽ y|r mab ỻunyer yr yspryt glan
4
yn|anuon neu yn|kyniret gỽrychyon
5
o|dan y karyat annỽylserch y·rỽng y
6
tat a|r mab. Ac yn|y gorỻewin y waeret
7
ỻunyer yr eglỽys lan gatholic. yr honn
8
yssyd wreicbỽys briaỽt y vn mab duỽ
9
dat. Sef yỽ honno yr eglỽys vudugaỽl
10
gynnuỻedic o gyffredin luossogrỽyd ffyd+
11
lonyon crist. o dynyon yr eglỽys ryuelus
12
yma. ac engylyon yr eglỽys vudugaỽl
13
vry. Beỻach o|dan yr annỽylserch garyat
14
hỽnnỽ yssyd yn kyniret y·rỽng y tat a|r
15
mab. yr hỽnn y kyffelybir yr yspryt glan
16
idaỽ ac yn wir efo yttiỽ. y|dygỽyd gỽrych+
17
yon yr eglỽys vudugaỽl vry. ac odyna
18
yng|kaỻonneu ffydlonyon yr eglỽys ryue+
19
lus yma. Ac yr bychanet vo y|gỽrychyon
20
hynny. ny aỻant vot yn|ỻei namyn yn
21
vỽy no|r hoỻ vedyssyaỽt. kanys kyt ys|ga+
| « p 187 | p 189 » |