NLW MS. Peniarth 190 – page 64
Ystoria Lucidar
64
drythyỻỽch y gỽledu* a|r gỽraged tec. ac
a valcheir o|r gỽisgoed maỽrweirthaỽc.
ac a ymdrychafant o|r goludoed. ac o|r adei+
lyadeu maỽrhydic. Yng|gỽrthỽyneb y hyn+
ny. y rei da yman a|garcherir ac a ueyd+
ir. ac a boenir o newyn a sychet a go+
vidyeu ereiỻ. Pan rỽyd eu tynghetuen
rac y rei drỽc. a|chael amylder o·nadunt
o|r da a rifeis i. yna y tebygant ỽy ry
lyngku yr enwired drỽy lewenyd. a phan
dynner ef o|r dỽfyr hagen y kyỻ y eneit.
a thebic yỽ heuyt y dyn y rodher diaỽt ve+
chan idaỽ o|vel. ac odyna heb dranc ac
heb orffen kymeỻ arnaỽ yfet y weilgi
chwerỽ. kanys yn|ỻe y gỽledeu y ỻenw+
ir ỽynt o|r wermot ˄a chwerỽed. megys y
berthaỽc gynt a|gladwyt yn|y tan uffer+
naỽl gỽedy y wledeu. Yn ỻe caryat y gỽ+
raged y|ỻenwir ỽynt o vrỽnstanaỽl dre+
wyant. Yn ỻe y gỽisgoed tec y gỽisgir ỽy
o gythrud. Yn ỻe eu goludoed a|e hadeily ̷+
| « p 63 | p 65 » |