NLW MS. Peniarth 35 – page 91r
Llyfr Iorwerth
91r
1
ar eidi yn| y ty hyt y naỽ nos ar naỽ ni+
2
eu. y vybot a|e kyfreithaỽl y bu y gwahan. ~
3
Ac os iaỽn uu y gwahan. Aet hi ar eidi
4
o|r ty ym penn y naỽuet dyd y da o|r blaen
5
ac ar ol y keinhaỽc diwethaf aet e
6
hun. Sarhaet gỽreic ỽryaỽc vrth
7
ureint y gỽr y da. Nyt amgen tray+
8
an sarhaet y gỽr. [ Kynn y rodi y ỽr
9
hanher sarhaet y braỽt. [ y galanas
10
na hi a| uo gwedỽ na hi a| uo gỽryaỽc.
11
hanher galanas braỽt. O|r mynn gỽr
12
wreic arall gỽedy yd ysgarho ar gyn+
13
taf ryd uyd y gyntaf. O deruyd y ỽr ys+
14
gar a|e wreic. a mynnu o honno vr a+
15
rall. A bot yn ediuar gan y gỽr kyntaf
16
ry ysgar a|e wreic. A|e godiwes o·honaỽ
17
ar neill troet yn| y gwely. Ar llall eithyr
18
y gwely. y| gỽr kyntaf a| dyly caffel y
19
wreic. O deruyd y wreic vryaỽc gỽne+
20
uthur kyulauan dybryt. A|e rodi cus+
21
san y ỽr arall. A|e gadel y gouyssyaỽ.
22
A|e gadel y hymrein. Sarhaet y gỽr
23
yỽ hynny. Os y hymrein y sarhaet
24
honno a dyrcheuir aruod y hanher
25
yn uỽy. Canys o kenedyl elynyaeth
26
yd henỽ. ~ ~ ~
| « p 90v | p 91v » |