NLW MS. Peniarth 36A – page 24v
Llyfr Blegywryd
24v
neu welet cleis arnaỽ y lỽ ar y trydyd a
dyly y rodi. kanys yn lle tyston y kynhelir
y gỽaet ar cleis. Or tereu kaeth dyn
ryd. trycher y laỽ deheu ony thal arglỽ ̷+
yd y| kaeth sarhaet y ryd. Ergyt cryman
yỽ naỽd kaeth. Ny byd godor yn reith
alltut am yr hyn ny pherthyno reith
gỽlat arnaỽ. kyny thygo dynyon gyt ac
ef. namyn rodet e hunan y lỽ yg|kyfeir
pob dyn or a dylyei tygu gyt ac ef bei
kenedlaỽc. Sarhaet gỽreic kaeth; deu ̷+
dec keinhaỽc. os gỽenigaỽl vyd; pedeir ar
hugeint vyd y sarhaet. Sef vyd honno
gỽreic ỽrth y notwyd. Dirỽy kaeth or
lletrat kyntaf a| wnel. wheugeint. or eil;
punt. Or trydyd vn gyfreith vyd a gỽr
ryd herwyd y dial. Py le bynhac y gordi+
wether kaeth yn fflemaỽr. pedeir yg gobyr
diffryt a| telir drostaỽ. A phedeir keinhaỽc
o pob kymhỽt y kerdỽys drostaỽ
Or a y vrenhinaeth arall. pedeir ar| hugeint
yn llaỽ a geiff y neb ae rydhao ac o hynny
| « p 24r | p 25r » |