NLW MS. Peniarth 45 – page 158
Brut y Brenhinoedd
158
brat a wnathoed Gortheyrn y tat ynteu.
Ac nat oed well gantaỽ dim o|r a wnelei ony
chaffei gỽrtheyrn y dial y lit arnaỽ. Ac ym+
choelu a oruc partha* a chymry a chyrchu kas+
tell goronỽy y lle y ffoassei gortheyrn id+
aỽ y keissaỽ diogellỽch. Sef lle yd oed hỽn+
nỽ yn erging ar lan gỽy auon y mynyd
clorach. Ac gwedy eu dyuot hyt yno. Co+
ffau a oruc Emreis y ortheyrn y urat ar
wnathoed yỽ tat ef a|e uraỽt. A dywedut
yn|y wed honn ỽrth eidol iarll kaer loeỽ. ~
Edrych ti tywyssaỽc bonhedic a allant hỽy
diffryt gortheyrn ragof ui yr cadarnet y
caer megys na chaffỽyf cudyaỽ llymder uyng
cledyf yndaỽ. Canys haedỽys yn gyntaf y
bredychỽys uyn tat i y gỽr a|rydhaỽys y wlat
ac ynteu y gan ormes y fichtyeit. Ac odyna y
bredychỽys constans uym braỽt. Ac gỽedy
y uot e hun yn urenhin. y duc estraỽn kene+
dyl saesson paganneit y keissaỽ distryỽ y
kyỽdaỽtwyr. Ac megys y canhatta duỽ. ~
Neur syrthỽys yn|y magyl ry tynnassei yn+
teu y rei gwiryon Canys pann ỽybu y saesson
y enwired ef y byrassant o|e urenhinyaeth.
Ac nyt reit y cỽynaỽ Canys ef yn ysgymun
a ohodes pobyl ysgymun attaỽ. Ac a duc tref
| « p 157 | p 159 » |