NLW MS. Peniarth 46 – page 101
Brut y Brenhinoedd
101
nachaf ỽyr ruuein yn pebyllaỽ yn y lle
hỽnnỽ. canys auarỽy a|e dugassei hyt
yno ỽrth dỽyn kyrrch am benn casỽallawn.
y ellỽg y gaer y|ganntaỽ. a|phann ỽelas
ỽyr ruuein y bryttannyeit yn dyuot at+
tadunt. gỽisgaỽ y harueu a|ỽnaethant
a|chyỽeiraỽ y|bydinoed. a|r bryttannyeit
yn gyffelyp y|hynny o|r parth arall. ac
yna y kymerth auarỽy pum mil o uar+
chogyon gantaỽ. ac yd aeth hyt ynn
llỽyn coet oed yn agos. a|llechu yno er+
byn kyrchu yn dirybud am benn casỽallawn
a|e lu. ac yna y|bu aeruaeu creulaỽn o
pob parth. a chynnhebic yd oedynt yn dy+
gỽydaỽ o|bop parth megys y|dygỽydei y
deil gann ỽynt cadarnn mis hydref.
ac ual yd yoedynt* yn|yr ymffust hỽn+
nỽ y|kyrchu a|ỽnaeth auarỽy a|e uarch+
ogyon o|r|tu arall y|gassỽallaỽn yn di ̷+
rybud udunt. ac rac kyỽarsagediga ̷ ̷+
eth y kyỽdaỽtỽyr e|hun rỽg y|bydinoed.
| « p 100 | p 102 » |