NLW MS. Peniarth 46 – page 127
Brut y Brenhinoedd
127
euo yn urenhin. guedy y darffei ydaỽ
ef yn gyntaf. guasgaru guyr Ruuein
ac eu llad. y differei ynteu enys pry ̷+
dein guedy hynny ac y hamdiffynei
rac estraỽn genedyl. a rac pob gorm ̷+
es o|r a delhei idi. a guedy caffael o+
honaỽ eu duundeb ymlad a wnaeth
a bassianus. a guedy y lad kymryt e
hun llywodraeth y teyrnas yn|y laỽ.
canys y fychteit yr dugassei sulyen
ganthaỽ. yr wnathoed idaỽ ef brat bas ̷+
sianus. ewythyr braỽt y uam y bassianus
oed sulyen. a phan dyleynt y fychteit
canhorthỽyaỽ eu brenhin. nyt ef a
wnaethant ỽynteu namyn kymryt
guerth y gan caraỽn. a llad bassianus.
a sef a wnaeth guyr Ruuein ynuydu
heb ỽybot pỽy uei eu gelynyon pỽy
uei eu guyr e|hunein. ac adaỽ y
maes a fo. a guedy caffael o car ̷+
aỽn y uudugolyaeth honno. y rodes
ynteu yn yr alban lle y|r fychteit y bres ̷+
| « p 126 | p 128 » |