NLW MS. Peniarth 46 – page 132
Brut y Brenhinoedd
132
dynt yn uydinoed y teyrnnas nef.
ac yna y|damlleỽychỽys mab duỽ y|tru+
gared. mal na mynnei ef bot kenedyl y
bryttannyeit yn tyỽyllỽch o|e pechodeu.
namyn goleuhau ohonunt e|hun eglu+
raf lampeu gleinyon uerthyri udunt.
ac yn aỽr y|mae bedeu y|rei hynny ac
eu hysgrin hesgyrnn yn gỽneuthur dir+
uaỽr ỽyrtheu. ac ymplith y|merthiry
hynny y|diodeuaỽd seint alban o|uero ̷+
lan. ac ygyt ac ef iulius. ac aaron o|ga+
er llion ar ỽysc. ac yna y|kymerth seint
alban amphibalus a|oedit yn mynet ac
ef y|uerthyru. ac y|cudyaỽd yn|y dy e|hun
ac y|kymerth y|ỽisc ymdanaỽ e|hunan.
ac ymrodes y|merthyrolyaeth drostaỽ.
gann euelychu crist y|gỽr a|rodes y|eneit
dros y|deueit. a|r deuỽr ereill trỽy uerthy+
rolyaeth a|r corfforoed a ellygỽyt y|ỽlat nef.
A C yna y|kyuodes iarll|caerloeỽ yn er+
byn asclepiodotus. ac y|lladaỽd. ac y
| « p 131 | p 133 » |