NLW MS. Peniarth 46 – page 158
Brut y Brenhinoedd
158
ruuein yn blinaỽ yn treulaỽ eu da yn
ỽastat ar uor ac ar tir drostunt. a|bot
ynn ỽell ganntunt dilyssu udunt eu te ̷+
yrnnget no hynny. ac ygyt a|hynny
dyỽedut bot yn yaỽnnach udunt e|hu+
nein kymryt dysc ac arueu o|ymlad.
mal y gellynt amdiffynn eu gỽraged.
ac eu meibon. a|e rydit no dodi y|hymdi+
ret yn ỽastat yg gỽyr rufein. a gỽedy me ̷+
negi y|dysc hỽnnỽ y|r bryttannyeit. er+
chi a|ỽnaethant kynnullaỽ Jeuegtit
ynys. prydein. a|e hymlaỽyr*. a|e dỽyn hyt ynn
llundein yn eu herbyn. Canys yttoed ̷ ̷+
dynt hỽy yn ymhoelut parth a rufein.
dracheuen. a gỽedy dyuot paỽb hyt
yn llundein ỽrth y|ỽys honno. y|gorch+
ymynnỽyt y cuhelyn archescob llun+
dein pregethu y|r bopyl. a menegi yr ym+
adrodyon udunt yd oed ỽyr rufein. yn|y a ̷+
daỽ gantunt yr dysc udunt. C* ual
hynn y|dechreuis yr archescob y yma ̷+
| « p 157 | p 159 » |