NLW MS. Peniarth 46 – page 160
Brut y Brenhinoedd
160
ar uor ar ac tir drossoch yn ỽastat yn
ymlad. ac y|maent yn deỽissaỽ madeu
eu teyrnnget yỽch ỽeithon rac diodef
llauur kyuryỽ a hỽnnỽ drossoch bell+
ach. Pei bydeỽch chỽi yr amser y|bu
y marchogyon yn. ynys. prydein. beth a|teby+
gỽch chỽi ae fo dynyaỽl anyan y|ỽrth+
yỽch. a|geni dynyon yg gỽrthỽyneb
anyan. megys pei genit o uilein uar ̷+
chaỽc. ac o|r marchaỽc bilein. a|disgyn ̷ ̷+
nu dyn y|gann y|gilyd. ny|thebygaf
ui colli onadunt hỽy eu dynyaỽl any ̷+
an yr hynny. ac ỽrth hynny gỽneỽch
megys y|dyly dynyon. Gelỽch ar grist
hyt pann uo euo a|rodho callon. a ̷ ̷
gleỽder yỽch y|amdiffynn ych|rydit.
a gỽedy teruynu o|r archescop ar yr
ymadraỽd yn|y|ỽed honno kymeint
uu y kynnhỽryf gann y bopyl ac me+
gys y|tebygit y|bot gỽedy y kyffroi
o|leỽder. C* yn ol y|parabyl hỽnnỽ
| « p 159 | p 161 » |