NLW MS. Peniarth 46 – page 267
Brut y Brenhinoedd
267
dyuot baldỽff hyt ar deg milltyr y ỽrth y|ga+
er. medylyaỽ a ỽnaeth dỽyn kyrch nos am
benn arthur. a|e lu. ac eissoes nyt ymgelỽys
hynny y arthur Sef a|ỽnaeth ef anuon
cadỽr tyỽyssaỽ c kernyỽ a|chỽechant mar+
chaỽc. a|their mil o|bedyt gantaỽ y cadỽ y ford
y|tebyckei eu dyuot. a gỽedy cael o|gadỽr y|ford
y|deuynt. Dỽyn kyrch a|ỽnaeth am eu penn.
a|e gỽasgaru. a|e kymell ar|ffo. a diruaỽr tri+
stit a|gymerth baldỽlff yndaỽ am na allỽ+
ys ellỽg y|uraỽt o|r gỽarchae yd oed yndaỽ.
a medylyaỽ a|ỽnaeth pa ỽed y|gallei ef ystry+
ỽaỽ cael ymdidan a|e uraỽt. Canys ef a|teby+
gei pei keffynt hỽy kyt·gyurỽch ell|deu yd
ystryỽynt ual y|keffynt eu rydit. a sef a|ỽna+
eth ef eilliyaỽ y|benn. a|gỽneuthur diỽyll
er·estyn arnaỽ. a chymryt telyn yn|y laỽ
gann ymdangos yn er·estyn. a|gỽe+
dy na thebygir y|uot yn dỽyllỽr mal yd oed dy+
nessau a|ỽnaeth yn chueric parth a|r gaer dan
ganu y telyn. a gỽedy y adnabot o|r rei guarchaedic
estynnu raffeu idaỽ a|orugant ac ỽrth y rei hynny y
| « p 266 | p 268 » |