Breudwd Welsh Prose 1300-1425
Cymraeg

NLW MS. Peniarth 47 part i – page 25

Ystoria Dared

25

ky  ei ef. idi. diolch a|oruc agamemnon
idaw am hynny. amser y|vrỽydyr a|deuth. gỽyr
troya a gyweirassant lu. yn|y herbyn y do+
et gwyr groec. ychel. a|gyỽeiraỽd gỽyr
mirmidon. ac a|e hanuones at agamemnon.
ymlad yn ỽychyr a|ỽnaethant o|pob tu.
Troylus yn|y gat gynntaf a|ladaỽd y|groe+
gusson ac a|yrraỽd ffo ar ỽyr mirmidon.
a|e hymlit hyt eu kestyll. a|llad llaỽer. a  ̷ ̷
brathu llaỽer. a|gỽrthỽynebu idaỽ a|oruc
aiax ap thelamon. ymhoelut y|troyanus+
syon y r dinas gann y|uudugolyaeth [ Tran+
noeth agamemnon. a|gyỽeiraỽd llu o|e holl
tyỽyssogyon. a|gỽyr mirmidon. Yn|y|her+
byn y doeth troylus. ac alexandyr yn hyf  ̷+
ryd y|r gat. ỽedy dechreu ymlad. pob o|r
deulu a|ymladaỽd yn ỽychyr dalym o|dy+
dyeu. llaỽer o|uilioed a|dygỽydaỽd o|bop tu.
troylus a|ymlynaỽd ỽyr mirmirdon. ac
a e gyrraỽd ar ffo. ac a|e lladaỽd. a|gỽedy
gwelet o agamemnon. llad llaỽer o|e|bleit ef.
adolỽyn kygreir deg|nieu ar|hugeint  ̷