NLW MS. Peniarth 9 – page 42v
Ystoria Carolo Magno: Can Rolant
42v
a|y groyssi. dywet val hyn ỽrth varsli. gyt ac a
draytho y llythyr y may charlymayn
yn damunaỽ dy iechyt rac llaỽ. yr hyn a geffy
os ti a vynny gỽneuthur a edeweist. dyuot yn
ol y ffreinc y gymryt bedyd a ffyd gatholic. A
dangos gỽrogayth idaỽ. A dodi dy dỽylaỽ rỽg y
dỽylaỽ ynteu. a chymryt haner dy gyuoyth
y|gantaỽ o|y daly y danaỽ. rolond y nei ynteu
bieiuyd yr hanner arall yr kyuoyth o|y daly
yn yr yspayn. Ac ony wney hyny o|th vod
ti a|y gỽney o|th anuod. Ac ef a|daỽ y damgyl+
chynu cesar augustam dy dinas di ac nyt a
y ỽrthaỽ yny caffo. Ath dỽyn ditheu o|th an+
uod yn rỽym gantaỽ y ffreinc. ac yno y|th
gymellir o|th anuod yr hỽn a gymer genyt
o|th vod yr aỽr hon. A phan daruu yr bren+
hin dywedut hyny ỽrth wenwlyd. kychwyn
ymdeith a oruc gỽenwlyd. A chan marchaỽc
hard syberỽ a hanoydynt o|y dylỽyth y hun
a|y canymdayssant o|r llys y ymdeith. Ef
a doyth y bebyll. ef a ymbaratoes o adurn
hard syberỽ. ef a ysgynnỽys ar varch hard
gadarn. Ac yn hyny gỽyrda yn|y gylch yn|y
wassanaythu ac ym·gynnic idaỽ yn gedym+
deithon y hynt. Nyt ef a wnel duỽ heb y
gỽenwlyd. mynnu o·honof|i dỽyn neb y
agheu gyt a mi. llei o drỽc yỽ vy llad i vy
hun no llad neb o·honaỽchwi gyt a mi ac
yscaỽnach yỽ y chwitheu clybot vy agheu
| « p 42r | p 43r » |