Bodorgan MS. – page 24
Llyfr Cyfnerth
24
gyfreithaỽl a geiff. nyt amgen lloneit y lles+
tri y gỽallofyei ac ỽynt yn| y llys o|r cỽrỽf ac
hanher o|r bragaỽt. ac eu trayan o|r med.
Ef bieu koescyn pop eidon o|r llys. Ac ny
byd hyt yndunt namyn hyt vcharned.
Ef a geiff y mehin bỽlch ar emenyn bỽlch
o|r marỽ tei a|r maen issaf o|r vreuan. A|r du ̷+
lin oll A|r llinhat. A|r to nessaf y|r dayar o|r
veiscaỽn ar bỽeill ar katheu ar crymaneu
Ar ieir ar gỽydeu. Torth ae henllyn a geiff
ym pop ty y del idaỽ ar neges y brenhin.
Teir kyfelin a uyd yn hyt y pillo rac y ar+
ganuot. Ef a geiff y tarỽ a del yn anreith
Pan vo marỽ y righyll; yn trugared y
brenhin y byd yr eidaỽ. Credadỽy uyd geir
y righyll o|r wys a wnel. Gỽys y righyll dan
tyston neu taraỽ y post teir·gỽeith; ny ellir
y gỽadu onyt trỽy lys. Pan watter hagen;
llỽ y dyn a wysser ar y trydyd o wyr vn vre ̷+
int ac ef ae gỽatta. O tri mod y kedernhe+
ir gỽys. o tyston. neu o vechniaeth. neu o
auael. Teir ouerwys a ellir eu gỽadu kyn
tyston. Gỽys dan tyston ny wneir pan ony*.
pan ofynner tir o ach ac etryt. Ac o gofyn+
| « p 23 | p 25 » |