BL Cotton Cleopatra MS. A XIV – page 53v
Llyfr Cyfnerth
53v
Or lledir hyd brenhin hyt nos yn anhed
breyr. tanet y uantell arnaỽ a| chatwet
yn gyuan hyt y bore. Ac ony doant y ky ̷+
nydyon bit vn vreint ar rei gynt. hỽn ̷+
nỽ yna. Or byd hela gellgỽn y ỽr ryd.
Arhoet y bore hyny ellygo kynydyon y
brenhin eu cỽn teir gueith Ac odyna go ̷+
llynget ynteu. Pỽy bynhac a| latho hyd
Ar tir dyn arall. rodet wharthaỽr y per ̷+
chenaỽc y tir y llather arnaỽ eithyr hyd
brenhin. cany byd wharthaỽr tir yn hyd
brenhin. Or guyl fordaỽl bỽystuil y ar
ford yn forest brenhin. byryet ergyt
idaỽ os myn. Ac os guan ymlynet hyt
tra|e guelho. A phan el y dan y olỽc ga ̷+
det e| hunaN.
Ual hyn y renir aryant y guestua+
eu. dỽy geinhaỽc a gymer y diste ̷+
in. A phedeir a geiff y trullyat neu tud ̷+
et y gerỽyn ar dewis y neb ae talho. dỽy
a gymer dryssaỽr y neuad. Vn yr medyd
| « p 53r | p 54r » |