BL Cotton Titus MS. D IX – page 32r
Llyfr Blegywryd
32r
ha dial. TRi thwawedaỽc gorssed; arglỽyd gỽ+
ir yn gwarandaỽ haỽlỽr ac amdiffynnỽr
yn ymatteb. a mach yn gỽarandaỽ y kynn+
ogyn ar talaỽdyr yn ymatteb. ar|y|wyrda
yn barnu eu kyureitheu. ac ygnat yn gỽ+
arandaỽ haỽlỽr ac amdiffynnỽr yn ym+
atteb. a|mach yn gỽarandaỽ y kynnogyn
a|r talaỽdyr yn ymatteb. TRi gỽanas
gỽayỽ kyureithaỽl yn|y dadleu yssyd; gỽ+
an y|arllost ynn|y dayar ac vn llaỽ hyny
vo abreid y|tynnv a|e dỽylaỽ. a gỽan y|benn
y|myỽn tỽyn hyny gỽydyho y|mỽn. a|e do+
di ar|lỽyn a|uo kyuuch a gỽr. ac onny|byd
ar vn o|r teir gỽanas hynny. ot a dyn ar+
naỽ mal y|bo marỽ; trayan yr alanas a a
ar|berchennaỽc y|gỽayỽ. TRi ouer ymad+
raỽd a|dyỽedir yn llys ac ny ffynnyant;
gỽat kynn deturyt. a|llys kynn amsser.
cof a|chyghaỽs gỽedy braỽt. TRi ouer
llaeth yssyd; llaeth cath. a|llaeth gast.
a|llaeth cassec. ny diwygir dim ymdana+
dunt. Teir sarhaet ny diwygir o|r keffir
trỽy veddaỽt. sarhaet yr offeirat teulu.
a|r|ygnat llys. a|r|medyc llys. canny dy+
ly vn o|r tri hynny bot yn veddỽ byth.
canny vdant py amser y|bo reit y|r bren ̷+
| « p 31v | p 32v » |