Cardiff MS. 1.362 (Hafod 1) – page 66v
Brut y Brenhinoedd
66v
y brenhin. A phymthec mil o wyr aruaỽc y gyt ac
ef y vynet yr negys honno. A mydin y gyt ac
ỽynt. hyt pan vei trỽy y dysc ef a|e ethrylith y
AC yn yr amser [ cỽpleit y neges.
hỽnnỽ yd oed gillamỽri yn vrenhin
vrenhin* yn iwerdon. Gỽas ieuanc enryued
y volyant a|e glot. A phan gigleu y gỽr
hỽnnỽ ry|dyuot y brytanyeit yỽ wlat.
kynnullaỽ llu maỽr a wnaeth a dyuot yn
eu herbyn. Ac eissoes pan ỽybu achoss eu
dedigyaeth*. Sef a wnaeth chỽerthin. A dywedut
ỽrth y gytymdeithon val hyn. A wyrda heb
nyt ryued genyf gallu o genedyl lesc anreith+
aỽ ynys prydein rac eu henuyttet. Ac eu sym+
let. kans pỽy a gigleu eiroet gynt y ryỽ en+
uydrỽyd hỽn. py achaỽs tybygỽchi. y bei well
mein iwerdon. no mein ynys prydein. pan doynt
y gymell kenedyl iwerdon y ymlad yn eu her+
byn o achaỽs y kerric hynny. Gỽiscỽch ymda+
naỽch heb ef gỽiscỽch. Ac ymledỽch dros aỽch gỽ+
lat. Ac ymdiffynỽch cor y kewri. kans a miui yn
vuỽ ny chaffant ỽy vn grenyn o·nadunt. A phan
welas vthur y gỽydyl yn paraỽt y ymlad ac ỽ+
ynt. Sef a wnaeth ynteu yn|diannot eu kyrchu
ỽynt yn|y·doedynt paraỽt y bydinoed. A heb ha+
yach ohir goruot o|r bryttanyeit. a llad y gỽydyl.
A chymell gillamỽri ar ffo. y doeth y brytanyeit
hyt ymynyd kilara. y lle yd oed y mein. A llaỽen
elet y mein. A gỽedy dyuot myrdin
| « p 66r | p 67r » |