Cardiff MS. 1.363 (Hafod 2) – page 153r
Brut y Brenhinoedd
153r
pobyl o kyt·kyghor paỽb y gyt ef a go+
ssodes pryaf y caplan e hỽnan en archesc+
op eg kaer efraỽc. ar e eglwysseỽ dystry+
wedyc hyt e llaỽr ef a|y hatnewydỽs ac a|e
hadỽrnaỽd o crevydỽssyon kỽuennoed o
wyr a gwraged. Ar gwyrda dyledogyon
bonhedygyon ar ry dyholyassey e ssaysson.
ac a dỽgessynt tref eỽ tat ef a rodes y paỽb
o·nadỽnt tref eỽ tat ac eỽ dylyet ac eỽ hanry+
ded y paỽb o·nadỽnt.
AC em plyth er rey henny ed oedynt try bro+
der o ỽrehynhavl* dylyet. nyt amgen oed er
rey henny. lleỽ ỽap kynỽarch. ac|ỽryen. ac ara+
ỽn. try meybyon kynỽarch oedynt er rey henny
A chyn dyỽot gormes e ssaysson er rey henny a d+
ylyent tewyssogaeth e gwladoed henne. Ac yr
gwyr henny megys y paỽb o|r dyledogyon ereyll
ef a ỽynnaỽd talỽ eỽ dylyet. Ac|wrth henny ef a
rodes y araỽn ỽap kynuarch brenhynaỽl ỽedy+
ant escotlont. Ac y vryen ỽap kynỽarch er rod+
es teyrnwyalen reget. Ac y lew ỽap kynvarch
e gwr ed oed y chwaer kanthaỽ yr en oes emre+
| « p 152v | p 153v » |