Cardiff MS. 1.363 (Hafod 2) – page 153v
Brut y Brenhinoedd
153v
reys wledyc. ac ed oedynt deỽ ỽap ydaỽ o+
honey Gwalchmey a medraỽt. y hỽnnỽ er
rodes tewyssogyaeth londoneys ar gwlado+
ed ereyll a perthyney attey. Ac o|r dywed gwe+
dy dwyn o·honaỽ holl terỽyneỽ enys ar eỽ he+
n teylyctaỽt ac eỽ hen deỽaỽt. ac|eỽ hedychỽ.
ef a kymyrth gwreyc ydaỽ. Sef oed honno Gw+
enhwyvar er hon a hanoed o vonhedyccaf kene+
dyl gwyr rỽueyn. ac a ỽegessyt en llys kadwr
tewyssaỽc kernyw. pryt honno a|e theledywrw+
yd a orchyỽygey holl gwraged teyrnas enys prydeyn.
A phan deỽth e gwayanhwyn ar haf rac wy+
nep ef a paratoes llyghes ac a aeth hyt ywe+
rdon kanys honno a ỽynney y goreskyn ydaỽ
e|hỽn. Ac ỽal e deỽth er tyr enachaf Gyllamwry
brenyn ywerdon. ac|aneyryf amylder o pobyl y
gyt ac ef en dyvot en y erbyn wrth ymlad ac ef.
Ac|gwedy dechreỽ ymlad en e lle e kenedyl noeth dy+
arveỽ a ymchwelassant ar ffo yr lle e keffynt gwa+
scaỽt ac amdyffyn. Ac ny bỽ ỽn gohyr en e lle daly
Gyllamwry a gwnaethpwyt a|y kymhell wrth e+
wyllys arthỽr. Ac wrth henny holl tewyssogyon
| « p 153r | p 154r » |