Cardiff MS. 1.363 (Hafod 2) – page 181r
Brut y Brenhinoedd
181r
ev tywyssavc en vrywedyc o|r savl welyoed he+
nny. Pa veynt o cwynvan a gwneynt gwyr
angyw tra yd|oedynt en ymody Gwelyeỽ key
ev tywyssavc. Ac nyt oed reyt kwynỽan ena
kanys ny edynt e gwaytlyt vydynoed en ym+
kyrchv o pob parth yspeyt y cwynvan namy+
n kymell pavb o|y amdyffyn e|hvn. Ac|wrth hen+
ny hyrglas ney bedwyr en kyffroedyc o angh+
eỽ y ewythyr a kymyrth y gyt ac ef try chanwr
o|r rey eydav. a megys baed koet em plyth toryf
o|r cwn. e velly e kerdvs ef trwy gelynyavl vydy+
noed o dyssyvyt redec e meyrch hyt e lle e gweley
ef arwyd brenyn mydyf. a hep dydorbot na med+
ylyaỽ pa peth a damwennyey ydav hyt|tra keyssy+
ey dyal y ewythyr. Ac o|r dywed ef a kavas fford yr
hynn a keyssyey. ac a ladaỽd er racdywededyc vr+
enyn hỽnnv. ac gwedy y lad ef a dvc y corff ar y ky+
tymdeythyon e|hvn. ar rac bron corff bedwyr ef a|y
Gwahanwys en dryllyeỽ oll ef. Ac odyna goralw ar
y kytymdeythyon a chan hannoc kyrchv ev gelyn+
yon en vynych megys kan atnewydv eỽ nerth. hyt
tra ed|oedynt er rey ereyll en ofynhaỽ ac eỽ kallonn+
oed en crynỽ. a|y gyt a henny kywreynyach e kyr+
| « p 180v | p 181v » |