Cardiff MS. 1.363 (Hafod 2) – page 45v
Brut y Brenhinoedd
45v
ac yn chwechet wlwydyn y bỽrywt ef
o|e ỽrenhynyaeth. kanys pellaỽ y ỽrth
yaỽnder a Gwyryoned a wnaeth. a rac de+
wyssyaỽ creỽlonder. yr hon a|e bvrwys ef
o|r ỽrenhynyaeth. AC yn|y le ynteỽ y deỽth yd+
wal ỽap lỽgeyn y gar ef. yr hvnn a einyaỽ+
achaỽs o agrheyfft eynnyaỽn dylyet a ya+
wnder a dywylley. AC yn ol ydwal y deỽth
Rỽn ỽap peredỽr. AC yn ol Rỽn y|deỽth Ge+
reynt ỽap elydyr. AC yn ol Gereynt kade+
ll y ỽap ynteỽ. AC yn ol kadell coel. AC yn ol
coel porrex. AC yn ol porrex cheryn. AC
yr cheryn hỽnnỽ y bỽ try meyb. fỽlgen. ac
eydal ac andryỽ a phop ỽn o|r rei. hynny a
gwledychỽs yn ol y gylyd. AC odyna y|deỽth
ỽryen ỽap andryw. AC yn ol ỽryen y deỽth
eliud kelydaỽc. AC yn ol kelydaỽc y|deỽth
clytno. AC yn ol clytno y deỽth Gỽrwst. AC
yn nessaf y ỽrwst Meyryaỽn. AC yn ol Me+
ryaỽn bleydỽd. AC yn ol bleydỽd y devth
Caph. AC yn ol Caph y devth Oweyn. AC
yn ol Oweyn Seyssyll. AC yn ol seyssyll y
| « p 45r | p 46r » |