Cardiff MS. 1.363 (Hafod 2) – page 77r
Brut y Brenhinoedd
77r
hyt e lle e gelwyr maes vryen ker llaw ka+
er wynt a dechrev emlad a wnaethant ar vu+
dvgolyaeth a kavas evdaf. Ac vrth henny
trahayarn ac a dyenghys o|y varchogyon
kanthav a kyrchvs y longhev ac odyna a hwy+
lyassant hyt e gogled. ac ena e devthant yr
tyr ac e dechrevassant anreythyav e gwladoed.
Ac gwedy kennattav henny y evdaf vrenyn. en+
tev eylweyth a kynnvllvs holl kedernyt enys
prydeyn ac a devth en|y erbyn ef hyt en yscot+
lont. ac eno ed emladvs ac ef. ac eyssyoes evdaf
a ffoes ena hep vudugolyaeth. Ac esef a orvc
trahayarn gwedy kaffael o·honav y vudvgo+
lyaeth dechreỽ emlyt evdaf o le pwy gylyd hep
adv ydaỽ vn gorffowys hyt pan dỽc y kanthav
holl dynassoed a cheyryd ynys prydeyn a hevyt
coron e teyrnas. Ac vrth henny en ovalỽs eỽ+
daf en|y longheỽ a aeth hyt en llychlyn y keys+
syav porth y gan vrenhyn llychlyn y keyssyav
goreskyn y kyvoeth trachevyn. Ac en henny
eyssyoes o amser eỽdaf ar ry adovssey* kan y
| « p 76v | p 77v » |