BL Harley MS. 4353 – page 2r
Llyfr Cyfnerth
2r
1
o|r dayar hyt yn iat y brenhin pan eistedho
2
yn| y gadeir. kyr* refet a|e aran·vys. A thri
3
ban erni a thri y deni kyr* refet a|r wyalen.
4
A ffiol eur a anho llaỽn diaỽt y brenhin yndi.
5
kyn teỽhet ac ewin amaeth a amaetho se ̷+
6
ith mlyned. A chlaỽr eur erni kyn teỽhet
7
a|r ffiol kyflet ac ỽyneb y brenhin. Breint
8
arglỽyd dinefỽr heuyt a| tecceir o warthec
9
gỽynyon a phen pop vn ỽrth loscỽrn y llall.
10
A tharỽ rỽg pop vgein mu o·honunt mal y
11
bo kyflaỽn o argoel hyt yn llys dinefỽr.
12
Sef a telir yg galanas brenhin; tri chyme ̷+
13
int a|e sarhaet gan tri drychafel O tri mod
14
y serheir y vrenhines. pan torher y naỽd. neu
15
pan traỽher trỽy lit. neu pan tynher peth
16
o|e llaỽ gan treis. Ac yna trayan kywerthyd
17
sarhaet y brenhin a telir y|r vrenhines heb
18
eur a heb aryant hagen. Un dyn ar pym ̷+
19
thec ar hugeint ar veirch a wetha y|r brenhin
20
eu kynhal yn| y getymdeithas. y petwar sỽ ̷+
21
ydaỽc ar hugeint. A|e deudec gỽestei. Ac ygyt
22
a hynny y teulu a|e wyrda a|e vaccỽyeit. A|e
23
gerdoryon. A|e achenogyon. Enrydedussaf
24
gỽedy y brenhin a|r vrenhines yỽ yr etling.
25
Braỽt neu vab neu nei vab braỽt vyd yr et+
| « p 1v | p 2v » |