BL Harley MS. 958 – page 14r
Llyfr Blegywryd
14r
pedeir tarẏan a a ẏ·rỽg dẏn a reith gỽlat
rac haỽl ledrat. vn ẏỽ o·honunt kadỽ
gwesti ẏn gẏfreithaỽl. nẏt amgen no|e
gadỽ o prẏt gorchẏfaerỽẏ hẏt ẏ bore. A do+
di ẏ laỽ drostaỽ o|e gẏwelẏ teir gỽeith ẏ
nos honno. a hẏnnẏ tẏghu o·honaỽ a dẏnẏ+
on ẏ tẏ ẏn|ẏ reith. Eil ẏỽ geni a|meithrẏn
tẏghu o|r perchennaỽc ar ẏ trẏ·dẏd o wẏr
vn vreint ac ef. gỽelet geni ẏr anneueil
a|e vreithrin* ar ẏ helỽ heb ẏ vẏnet teir nos
ẏ ỽrthaỽ. nac o rod nac ar werth. Trẏdẏd
ẏỽ gwarant. Petwẏrẏd ẏỽ kadỽ kẏn coỻ.
A hẏnnẏ gỽneuthur o|r dẏn ar ẏ trẏdẏd
o wẏr vn vreint ac ef. kẏn coỻi o|r ỻaỻ ẏ
da. vot ẏ da hỽnnỽ ẏn|ẏ helỽ ef. Nẏt oes wa+
rant. namẏn hẏt ar teir ỻaỽ. A|r trẏded
amdiffẏnnet trỽẏ gẏfreith. [ Trẏdẏd
pedwar ẏỽ. ẏ petwar dẏn nẏt oes naỽd
udunt ẏn ỻẏs nac ẏn ỻan rac ẏ brenhin.
dẏn a torho naỽd brenhin ẏn vn o|r teir
gỽẏl ar·benhic ẏn|ẏ lẏs. Eẏl ẏỽ dẏn a ỽẏ+
stler o|e vod ẏ|r brenhin. Trẏdẏd ẏỽ ẏ gỽẏn+
nossaỽc ẏ neb a dẏlẏho ẏ|porthi ẏ nos hon+
no ac ny|s portho. Petwẏrẏd ẏỽ ẏ gaeth.
T Ri oet kẏfreith ẏ|dial kelein rỽg dỽẏ
genedẏl nẏ hanffont o vn wlat.
| « p 13v | p 14v » |