Breudwd Welsh Prose 1300-1425
Cymraeg

BL Harley MS. 958 – page 57v

Llyfr Blegywryd

57v

Kynnhayafty o r byd twll taradyr yndaw pedeir
ar hugeint a tal ony byd deudec keinhawc kyureith
fforch kynnhayafty neu hafty keinnawc kyureith
P ob yscubawr a dẏlẏir ẏ gadu ẏn agoret
y vynet gwynt yndunt hẏt hỽyl yr
holseint ac o r daw ysgrybyl idi a ỻẏgru ẏr ẏt
talet eu perchenn eu llỽgẏr. Gwedẏ gỽẏl yr hol+
seint onny bẏd bangor ẏn tri ỻe ar ẏ cant a r
drysseu yn gaẏat nẏ thelir ẏr ẏt o|r ỻẏgrir
Yscubawr brenhin wheugeint a tal Yscub+
awr breyr tri vgeint a tal Yscubawr
bilaein dec ar hugeint Buarth a thalgeỻ
a chreu moch a ffalt deueit dec ar hugeint
a tal pob vn Mein melin pedeir ar hugeint
Melin wheugeint a tal namẏn damtwg
a vyd am y petheu o|e mẏỽn. Brẏccan
brenhin wheugeint. Brẏccan brẏẏr trugeint
a tal y obennẏd ugeint. Bỽell lẏdan pedeir
keinnawc kyureith Buell gẏnnut dwy gein+
nawc kyureith llaw vuỽell; keinnawc kyureith Peir
brenhin punt y gicwein deudec keinhawc
Callawr uchelỽr; trugeint a|tal ẏ gic+
wein pedeir keinhawc kẏfreith. Kallaỽr bilaen
dec ar hugeint a e gicwein. teir keinhawc
Llawgallawr dec ar hugeint. Padell hayarn