Oxford Jesus College MS. 119 (The Book of the Anchorite of Llanddewi Brefi) – page 36v
Ystoria Lucidar
36v
O dydi vy|eneit. i. llawenha di kannys dam+
mỽeinnaỽd yt klybot o|r a|damỽeineist.
A|bellach dysgaỽdyr bonhedic dyro ymi
wirodev yr yspryt glan. yssyd ynot yn amyl.
A chann dyỽedeist di ymi vchot am|breladyeit.
dangos di ymi beth a synnyy di am wassan+
naethỽyr ereill yr eglỽys. Yr offeireit yn gyn+
taf o byd da eu buched o agkreifft. goleuni y
byt ynt. o dysgant yn da o eir. halen y|dayar
ynt. Ar gỽassannaethỽyr ereill megys ffene+
stri yn ty duỽ ynt. A|thrỽydunt y|tywynnaa
lleuueir y|gỽybot. Y|rei a|uo yn tywyllỽch an+
nỽybot. o byd da eu buched. ac na dyscont yn
da. tebic ynt y|varỽar yn llosci hep oleuhav.
O|dyscant yn da. ac yn drỽc eu buched. tebic
ynt y|gannỽyll yn goleuhav y|ereill. Ac yn to+
di y|chwyr idi hi|hun o|e losci. neu y|gloch ynn
seinnyaỽ yn velys y|ereill. Ac yn|y ffustyaỽ
e|hun o vynych hyrdeu. Onny uuchedoccaant
wyntev yn da. Ac onny dyscant yn|da. mỽc ynt
yn tywyllu y|tan. Ac yn llygru drem y|llygeit.
Ac am|y|rei hynny y|dyỽedir. y ser ny oleuassant.
Ac vrth hynny y|dygỽydassant o|r nef. Beth a
dyỽedy di am|yr rei a|dremygassant y|byt me+
gys myneich. Ac ereill a|gymerth abit kreuyd.
| « p 36r | p 37r » |