Oxford Jesus College MS. 20 – page 46r
Saith Doethion Rhufain
46r
ki a ladyssei y vn mab. A|r marchaỽc
trỽy y lit a ladaỽd y ki. Ac yr didanu
y wreic ef a doeth y edrych y vab. A
phan doeth y* oed y mab y* hoỻ·iach y+
dan y crut a|r sarff yn drylleu man yn|y
ymyl. Ac yna yd aeth yn drỽc ar y mar+
chaỽc llad ki kystal a hỽnnỽ o eir ac an+
noc y wreic. veỻ·y y deruyd ẏ titheu o
lad dy vab o gehudet ac annoc dy wreic.
Ac yna y tynghaỽd yr amheraỽdyr na
ledit y mab y dyd hỽnnỽ. A gwedy ter+
uynu eu kyghoreu a|e dadleu y|r neu+
ad y doethant. A phan ỽybu yr am+
herodres vot yn|weỻ gan yr amhera+
ỽdyr ymdidan no bỽytta. kyntaf ym+
didan a oruc hi gouyn idaỽ a dihenydy+
ỽyt y mab. Na·do heb ef. Mi a ỽnn heb
hi pann·yỽ doethon rufein a beris hynny.
Vn ansaỽd y deruyd ytti o gredu vdunt
ỽy ac y daruu gynt y|r baed coet am y
bugeil. Pa delỽ vu hynny heb yr am+
| « p 45v | p 46v » |