Oxford Jesus College MS. 57 – page 241
Llyfr Blegywryd
241
dylyu. kyfreith. kyhyded y·ryngthunt a|chyfran kany
dyly priodaỽr ragor ar|y gilyd. Os y naỽuet
dyn a|daỽ y ovyn tir diffodedic. Y priodolder a|dyt
diaspat am y uot yn mynet o briodaỽr yn am+
priodaỽr. ac yna y gỽarandaỽ y gyfreith y dias ̷+
pat honno. ac y ryd kynnỽys idaỽ. Sef yỽ
hynny kymeint ac un o|r kyfriuedi y buant
ar y tir yn eisted yn|y erbyn. a honno a elwir
diaspat y dannu ffin. a chyt dotter y diaspat
o hynny aỻan ny warandeỽir vyth. ac ereiỻ
a dyweit na dyly y naỽuettyn dodi y diaspat
honno. namyn y uynet o briodaỽr yn amprioda+
ỽr. Ny|dylyir gỽarandaỽ yr vn o|r teir haỽl
hynn yn amser caeth. kyfreith. am|tir a|daear. Sef ynt
y rei hynny haỽl priodolder. a haỽl datannud. a
haỽl ymwrthrym*. Teir gỽraged herỽyd kyfreith. a
dyly eu meibyon eu dylyet o vamwys. vn oho+
nunt. gỽreic a|rodo kenedyl yn gyfreithaỽl y
aỻtut. Eil yỽ gỽreic a|dycko aỻtut treis ar+
nei yn honneit. ac o|r treis hỽnnỽ caffel mab.
Y gyfreith. a|dyweit kany choỻes hi y breint. na
| « p 240 | p 242 » |