NLW MS. Llanstephan 27 (The Red Book of Talgarth) – page 100r
Mabinogi Iesu Grist
100r
nyt ym·rodei ef o|e vod y|r ỻewot. A phan uedylyassant ỽy
hynny nachaf iessu yn dyuot o|r ogof drachevyn. a|r ỻeỽot
yn|y racvlaenu. a|r kynawon ynghylch y draet yn chware.
ac eu rieni yn gostỽng eu penneu idaỽ trỽy ufuddaỽt. a|r
bobyl a|oed o beỻ yn ỻefyỻ* heb ueidaỽ dynessau attunt rac
ovyn y ỻewot. a Jessu a|dywaỽt yna ỽrth y niuer ual hynn.
Maỽr y mae gỽeỻ y bỽystuilot no chỽi. y rei yssyd yn
adnabot ac yn moli eu creaỽdyr a|e harglỽyd. a chỽitheu
dynyon a|wnaethpỽyt ar ffuruf duỽ e|hun ac ar y werth+
uaỽr drych ny|s atwaenaỽch. a|r aniueileit a|m hatwen i
ac a|arythaant* geyr vy mronn. a dynyon a|m gỽelant i
ac ambeỻaf yn|y byt yỽ udunt vy adnabot. ~ ~ ~
P an yttoed Joseph ueỻy dyd·gỽeith. a saer prenn da
oed ioseph. ac ny wnaei dim gỽeith dy·eithyr ery+
dyr a|gỽelyeu prenn. y damchỽeinaỽd dyuot gỽas ieuangk
attaỽ dyd·gỽeith y erchi idaỽ gỽneuthur gỽely prenn idaỽ.
o chwech cupyt. a Joseph a erchis y vab idaỽ torri y prenn
ỽrth y messur hỽnnỽ. ac ny|chedwis y mab mod iaỽn ar
y prenn o wneuthur un ohonunt yn vyrrach no|r ỻeiỻ. ac
yna Joseph a|weles hynny ac a vedylyaỽd yndaỽ dan ovidy+
aỽ beth a|wnelei. A phan y gweles iessu efo yn ymovidyaỽ
am hynny. Jessu a|dywaỽt ỽrthaỽ yn ymdidangar. dabre
heb ef a|chytsyỻỽn* y prenn·eu hynn a|gogyhydỽn ỽynt. a
Joseph a|wnaeth ual yd erchis iessu idaỽ. kanys gỽydyat y
gaỻei Jessu wneuthur yr hynn a vynnei. ac ỽynt a|gytsyỻ+
tassant penneu y gỽyd y·gyt. a Jessu a gyttynnaỽd y|prenn
byrraf attaỽ ac a|e gỽnaeth yn gyhyt a|r hỽyaf. ac a|dywaỽt
| « p 99v | p 100v » |