NLW MS. Llanstephan 4 – page 15r
Chwedlau Odo
15r
gytneit ac y kyhyrdaỽd a|r we glynu a|wna+
eth y thraet a|e hadaned yndaỽ. ac ymdraffiỻ
a|oruc hitheu y|geissaỽ ymrydhau odyno.
ac ny|s|gaỻei. Ac yna y dywaỽt y gylyonen.
Emeỻdigedic vo y ryỽ gỽrtynys hỽnn
kanny aỻaf|i vynet ohonaỽ. Ac yna y
dywaỽt yr adyrcop. Yn wir nyt ey di odyna
vyth yn vyỽ. a|dỽyn hỽyl idi a thorri y
phenn. at hic cortinus est mulier pulchra.
L lygoden ty gynt a gyuaruu a|ỻygo+
den vaes. ac a|ouynnaỽd idi pa ryỽ
vỽyt a gaffei yn|y meyssyd. a hitheu a
dywaỽt mae ffa calet weitheu a|gaffei.
weitheu ereiỻ graỽn sychyon. Yna y dyỽ+
aỽt y ỻygoden ty. Calet a|ỻesc yỽ dy ym+
borth di. a|ryued yỽ dy vyỽ rac newyn. Ac
yna y gouynnaỽd y ỻygoden vaes idi hi+
theu. a|pha ryỽ ymborth a geffy di heb hi.
Yn wir y bỽyt goreu a brassaf a|melyssaf
o|r kic goreu ac o|r bara gỽynn goreu a|r
caỽs tyneraf. a|dyret titheu ygyt a|mi
adref heno. Ac veỻy y gỽnaethant. A|phan
yttoedynt veỻy ỽynt a|welynt ossot byrd+
eu. a|dỽyn bỽydeu a|diodyd digaỽn. ar
hynny ỽynt a welynt vriỽsson bara gỽynn
yn disgyn y|ar y byrdeu. Yna yna y dywaỽt
| « p 14v | p 15v » |