NLW MS. Llanstephan 4 – page 41v
Purdan Padrig
41v
yr y pechaỽt hỽnnỽ pan dywedeis i idaỽ
ef mae gorthrymaf pechaỽt oed hỽnnỽ
a mỽyaf y godyant gan y creaỽdyr
y wneuthur. beth bynnac amgen a
orchymynnỽn i idaỽ ef y gymryt yr
rydit o|e bechodeu ef a|e kymerei yn
hygar. ac a vynnei y gynnal heb lei+
hau dim. Y mae hynn amgen val yn
anyanaỽl y dynyon y wlat honno
megys y dynyon o genedyl araỻ.
bo mỽyaf y syrthyont myỽn drygy+
oni trỽy an·wybot mae parodach a
gỽastadach vydant y wneuthur pe+
nyt gỽedy adnapont eu bot ar|y ̷
kam. ac ar gyueilyorn. ac o achaỽs y
ryỽ betheu hynny y|dangossỽn ni eu
bot ỽy megys bỽystuileit. ~ ~ ~ ~ ~ ~
P an vynnei wynuydedic padric
y|r genedyl a|oed yn Jwerdon
megys y dywedeis i ymchoelut o aruth+
red a chyueilyorn poeneu y garyat
ỻewenyd; y dywedynt ỽynteu nat ym+
choelynt nac yn|gỽyrtheu ryued a
welynt idaỽ ef eu gỽneuthur nac
yr y bregeth ynteu yny welei vn o+
honunt ỽy poeneu y rei drỽc a ỻewe+
nyd
| « p 41r | p 42r » |