NLW MS. Llanstephan 4 – page 44v
Purdan Padrig
44v
a doeth y|r maes mal y dywedassit idaỽ.
ac ef a|welei y neuad yn|y maes. ac nyt
oed yno oleuat onyt megys y byd ymma
y gaeaf gỽedy yd el yr|heul yn|y hadef.
ac nyt oed gant y|r neuad. namyn|bre+
icheu a physt yn|y chynnal ar weith
claỽstỽr myneich. A|gỽedy ymdeith
o·honaỽ yngkylch y neuad ac edrych
ryuedet y gỽeith ef a|aeth y|myỽn. ac
ot oed ryued gỽeith y neuad o|vaes
ryuedach oed o|vyỽn. Ynteu a|eisted+
aỽd yn|y neuad enkyt bychan gan
enryuedu y chyweirdeb a|e gỽeith a|e
thegỽch. A|phan yttoed ef veỻy ỻyma
xv.o wyr creuyd newyd eiỻaỽ eu
barueu a gỽisgoed gỽynyon ymda+
nunt yn dyuot y|r ty y|myỽn. ac
yny rassaỽu ynteu yn enỽ yr arglỽ+
yd. ac yn eisted y·gyt ac ef yn distaỽ.
ac vn o·honunt megys tywyssaỽc
arnunt debygei ef a|dywaỽt ỽrthaỽ
val hynn. Bendigedic vo duỽ yr|hỽnn
a|gadarnhaaỽd darpar da y|th gaỻonn
di. a phoet ef a|gỽplao y daeoni hỽnnỽ
ynot ti megys y dechreuaỽd. a chan
doethost ti y|r purdan y|th buraỽ o|th
| « p 44r | p 45r » |