NLW MS. 3036 (Mostyn 117) – page 55
Brut y Brenhinoedd
55
trachefyn. Ac ny chaỽssei dim. Sef a wnaeth Elidir
truanhau ỽrthaỽ. A|e dỽyn gantaỽ hyt yg kaer alclut.
A|e dodi yn| y ystauell e| hun yn ymgaeledus. A chym ̷+
ryt cleuyt arnaỽ a oruc elidyr. Ac anuon ar y holl
wyrda y erchi dyuot o|e ỽybot. A guedy eu dyuot yn
llỽyr hyt y dinas. Erchi y pop vn o·nadunt guedy
yuot* y gilyd y ymwelet ac ef. Ac val y delhei pop vn gỽyr
yn paraỽt gantaỽ y eu dala ỽy. Ac y eu llad ony ỽrhe+
hynt y arthal. A guedy guelet hynny rac ofyn eu
llad; y| gỽrhayssant y arthal. Ac odyna y doethant
hyt yg kaer effraỽc. Ac y kymyrth elidir y goron
y am y pen e| hun. Ac y| dodes am pen y vraỽt. Ac ỽrth
hynny y| gelwit ef elidir war. AC odyna y| guledy ̷+
chỽys arthal deg mlyned gan ymchoelut y| chwyl
yn| y gorthỽyneb. vrdaỽ y dylyedogyon. ac estỽg y rei
anlyedaỽc. A gỽneuthur iaỽnder a phaỽb. A phan
uu uarỽ; yg kaer lyr y cladỽyt.
AC yna eilweith y| deuth elidir yn vrenhin. Ac
ym pen rynnaỽd y kyuodes owein a pheredur
y| deu vroder ieuhaf yn| y erbyn. A guedy ymlad ac ef.
daly elidir a|e dodi yn llundein yg karchar. A rannu
yr ynys yrydunt. nyt amgen. lloegyr. a chymry
a| chernyỽ y owein. A|r gogled y| peredur. Ac ym pen
y seith mlyned. y bu uarỽ owein. Ac y deuth y kyf+
oeth yn llaỽ peredur. Ac ym pen yspeit wedy lly+
wyaỽ y teyrnas yn hygar tagnouedus. A phaỽb yn
uodlaỽn idaỽ y bu varỽ peredur. Ac yna y doeth
| « p 54 | p 56 » |