NLW MS. Peniarth 11 – page 181r
Ystoriau Saint Greal
181r
heb y vrenhines y vot ef yma kanys oed mor anghenreit
y|th vam di ỽrthaỽ ef a hynny ~ ~
N Ossweith yd oed y brenhin yn|gorwed gyt a|r vrenhines
gỽedy kysgu kyntun. ac heb aỻel kysgu ef a wisgaỽd
ymdanaỽ corset ffỽrri advỽyn uerr. ac a|doeth o|r ystafeỻ hyt
ar vn o ffenestri y neuad y tu a|r mor. a gỽelet a|wnaeth ef y
syr yn eglur a|r nos yn|dec ac yn araf. ac ynteu yn|digrif gan+
thaỽ edrych ar y|mor. A gỽedy y vot ef yno hirynt. ef a welei
ym|peỻ y ỽrthaỽ megys goleuni cannwyỻ. a ryued vu ganthaỽ
beth a|aỻei hynny vot a|medylyaỽ a|oruc nat aei odyno yn+
y wypei beth oed hynny. ac yno y bu ef yny welei y ỽrthaỽ
ar weith ỻong. a|cherdet ebrỽyd genthi yn|dyuot parth a|r
casteỻ. a phan gymerth hi dir ny welei ef yndi. namyn gỽr
prud baryflỽyt yr hỽnn a|oed yn daly ỻyỽ. a gostỽng hỽyl
a|wnaeth ef. a ryued vu gan y brenhin beth a|oed yndi. ar
hynny gadaỽ y neuad a|r casteỻ a|wnaeth ef. a|dyuot hyt y ỻe
yd oed y ỻong. ac ny aỻei ef dyuot attei hi rac y tonneu ody
ar y tir. Ac yna y gỽr prud a|dywaỽt ỽrth y brenhin. arho y+
chydic heb ef. ac ar hynny saethu bat bychan o|r ỻong a|oruc
ef. Ac yna y brenhin a|aeth y|r bat. ac a|doeth y|r ỻong y my+
ỽn. Ac yno arganuot a|oruc ef marchaỽc urdaỽl yn arua+
ỽc ac yn kysgu ar warthaf tabyl o asgỽrn moruil. ac yỽch
y benn yd oed torso gỽyr yn|ỻosgi y myỽn canhỽyỻbrenn o
eur. ac edrych a|oruc y brenhin arnaỽ yn ỻawen. ac ny wel+
sei eiryoet wr degach noc ef. Arglỽyd heb y gỽr prud ˄dos di we+
ithyon dracheuyn a|gat y|r marchaỽc orffowys. kanys
anghenreit yỽ idaỽ. a wrda heb y brenhin pa vn yỽ|r mar+
chaỽc.
| « p 180v | p 181v » |