NLW MS. Peniarth 11 – page 44v

arỽydockaa|hitheu. Mi a|e dywedaf yt yn|ỻawen heb ynteu. Y wre+

ic a|weleist di yn marchogaeth y sarff. a eỻir y chyffelybu y|r

hengret. a|r sarff a|oed yn|y harwein hitheu a gyffelybir y|r ky+

threul. yr hỽnn yssyd yn dỽyn ar y gevyn pechaỽt ac ewired*.

hỽnnỽ yỽ y sarff a|beris trỽy y valchder y vỽrỽ o baradwys. E+

vo yttiỽ y|sarff a|dyỽaỽt ỽrth adaf ac eua. Pei bỽytaeỽch chỽi o

ffrỽyth y prenn yma. chỽi a vydeỽch gyffelyb y|duỽ. ac o|acha+

ỽs y parabyl hỽnnỽ yd|aeth yndunt ỽy chwant y vot yn gyffe+

lyb y|duỽ. ac y pechassant yn varwaỽl. ac y credassant y|r kythre+

ul. ac o|r achaỽs hỽnnỽ y gyrrwyt ỽyntỽy o baradwys. a|phan

doeth y wreic honno geyr dy vron di hi a|gỽynaỽd ragot am lad

y sarff a|ladyssut. A gỽybyd di nat am|lad y sarff a|ladyssut ti

doe. namyn am y|sarff yr oedut yn|y varchogaeth. hỽnnỽ o  ̷+

ed y|kythreul. ac a|wdost di pa bryt y someist|di efo. pan|duc

ef dydi hyt y greic yma. Ac yna y|dodeist ditheu arwyd y groc

arnat yr honn ny aỻaỽd ef y|chynnal. ac ef a|vu arnaỽ ovyn

kymeint ac y tebygassei y varỽ. Ac yna ef a|ffoes megys y

neb a|darffei y gewilydyaỽ a|e sommi. ac efo a|debygassei ry|dar+

uot idaỽ dy enniỻ yna. a|thitheu a|oruuost arnaỽ ef yn|y mod

hỽnnỽ. Ac am hynny y doeth hi y erchi y ti wneuthur gỽro+

gaeth idi am lad y sarff. A|thitheu yna a|dywedeist na|s|gỽnavt.

A hitheu yna a|dywaỽt mae kynt y gỽnathoedut ti idi hi wro+

gaeth noc y|r arglỽyd yr oedut yn|y wassanaethu. a|gỽir a|dyw+

aỽt. kanys kynn kymryt ohonat ti vedyd yd oedut ti yn|y

gỽrogaeth hi. ac yr aỽr y kymereist di vedyd. ti a|wedeist y gỽ+

rogaeth hi. A|ỻyna vi wedy dywedut ytti am bob un ohonunt