NLW MS. Peniarth 18 – page 3r
Brut y Tywysogion
3r
1
Y ulỽydyn rac ỽyneb y|bu uarỽ gỽillim ap baltỽin yr hỽn
2
a|rỽndỽalaỽd castell ryt y gors. o arch y|brenhin. a gỽedy y
3
uarỽ ef yd ed kastell yn ỽac. Ac yna
4
y|gỽrthladaỽd bryttannyeit. brecheinnaỽc a gỽent. a
5
gỽenllỽc. arglỽydiaeth y|freinc. ac y kyffroes y freinc
6
lu y ỽent. ac ynn orỽac hep ennill dim. ac y|llas yn ym+
7
hoelut dracheuen y|gann y bryttannyeit yn|y lle a|elỽir
8
kelli carnant. Gỽedy hynny y|freinc a|gyffroassant lu y
9
vrecheinaỽc. a|medylyaỽ diffeithaỽ yr holl ỽlat. a|hep
10
allel cỽplau y medỽl. ynn ymhoelut dracheuen y|llas y
11
gann ueibon idnerth ab cadỽgaỽn. grufud ap Juor. yn|y lle
12
a|elỽir aber llech. ar kiỽdaỽdỽyr a trigassant yny* eu tei
13
ynn|diofyn yr|bot y|kestyll etỽa ynn gyuan. ar castellỽyr
14
yndunt. Yn|y ulỽydyn honno y|kyrchaaỽd uchdryt ap ed+
15
ỽin. a|hoỽel ap goronỽ. a llaỽer o bennaetheu ereill gyt
16
ac|ỽynt. Ac amled o|teulu. cadỽgaỽn ap bledyn y castell
17
penuro a|e yspeilaỽ o|e holl anyueileit. a diffeithaỽ yr
18
holl ỽlat. a|chyt a|diruaỽr anreith yd ymhoelassant a+
19
dref. Y vlỽydyn racỽyneb y|diffeithaỽd gerald ystiỽart
20
yr hỽnn y|gorchymynassit idaỽ ystiỽerdaeth castell pennuro.
21
a|theruyneu mynyỽ. Ac yna yr eilỽeith y kyffroes gỽillym
22
vrenhin lloegyr anyeiryf o|luoed. a diruaỽr medyant. a
23
gallu ynn erbyn y|brytannyeit. ac yna y|gochelaỽd y
24
brytannyeit eu kynhỽryf ỽynt hep obeithaỽ yndunt
25
e|hunein namyn gann ossot gobeith yn|duỽ creaỽdyr pob
26
peth. drỽy vnprydyaỽ. a|gỽediaỽ. a|rodi cardodeu. a|chym+
« p 2v | p 3v » |