NLW MS. Peniarth 190 – page 132
Ystoria Lucidar
132
yn|y vedyant. Sef yỽ hynny dynolyaeth
yn gorffowys y myỽn dwyỽolder. ac eissyoes
ar yr arglỽyd yỽ peri o|e eglỽys orffowys
o|e hoỻ lauur. ac eissyoes. kanys ymdengys
dyn yno. ef a|gredir eisted ohonaỽ val braỽ+
dỽr ar eistedua a gymero o|r awyr. discipulus A vyd
eisteduaeu yr ebystyl yno megys y dywedir.
Chỽi a|eistedỽch ar deudec eistedua. Magister Eu
kytwybot ỽy vyd eu heisteduaeu. yn|y rei
gỽedy gorchyvygu y byt a|e wydyeu. megys
budugolyon y gorffowyssant ỽy yn|yr eis+
teduaeu hynny. ac ef a|welir eisted o·honunt
ar eisteduaeu o|r awyr. megys y dywedir
Wynt a|eistedant yn|y vraỽt ar yr eistedua+
eu. discipulus Pa ffuryf y byd y vraỽt. Magister Kymys+
gedic ynt yr aỽr honn a|drỽc a|da. ac ef a de+
bygir bot yn da y rei drỽc. a bot yn drỽc
ỻawer o|r yssyd da. Yna hagen y gỽahana
yr|engylyon y rei da y ỽrth y rei drỽc. me+
gys y graỽn y ỽrth y peisswyn. ac yna y
gỽahenir yn|bedeir|grad. vn o|r rei perffe+
ith y uarnu gyt a|duỽ ar y rei ereiỻ. ac
| « p 131 | p 133 » |