NLW MS. Peniarth 190 – page 223
Ymborth yr Enaid
223
rinwedeu y gelwir. Ac y kyfyeithyr yn|ỻu+
ossogrỽyd gỽybodeu. neu yn amylder kel ̷+
vydodeu. ac ygyt ac ỽynt y kynhỽyssir dyn+
yon a vont gyflawnyon o nefolyon wybo+
deu. ac ysprydolyon geluydodeu ỽrth ad+
nabot y drindaỽt o nef. Seraphin yỽ.
ỻuossogrỽyd neu amylder serchaỽl ga+
ryat ar duỽ. yn ragorus rac hoỻ radeu
yr engylyon. ac a gyffelybir y|r tan yn
ennynnv. kanys y·ryngthunt a duỽ nyt
oes engyl·rad araỻ. kanys atvo nessaf
y rad y|duỽ mỽyhaf yỽ goleuni fflam+
ychaỽl dan karyat yndi. ac yno y kyn+
hỽyssir dynyon a ymlosgont o dỽywaỽl
anwylserch garyat yn gymeint ac y
madeuont bop ryỽ·beth yr y garyat ef.
Ac am hynny nessaf yỽ y duỽ y mỽyaf
a|e karo. ac veỻy drỽy y karyat hỽnnỽ
y kyssyỻtir duỽ a dyn. ac megys y mae
duỽ yn vywyt y|r eneit. veỻy y mae yn
ymborth idaỽ. Kanys megys y gỽahana
| « p 222 | p 224 » |