NLW MS. Peniarth 190 – page 36
Ystoria Lucidar
36
discipulus Paham y ỻadaỽd yr idewon iessu. Magister|Am
vuchedockau o·honaỽ drỽy wirioned. a chyn+
nal y wirioned gan dysgu kyfyaỽnder yr
hynn a geis duỽ gan bop creadur dospar+
thus. discipulus Paham y gadei y tat ỻad y vn mab.
ac yn gaỻu y ludyas. Magister Pan weles duỽ med
ef y vab yn mynnu perffeithyaỽ gỽeithret
mor arderchaỽc ac ymlad a|r brenhin creu+
laỽn. a rydhau y kaeth o|e vedyant. duỽ a
gytsynnyaỽd ac ef ar y gỽeithret molyannus
hỽnnỽ. ac a adaỽd idaỽ varỽ. discipulus Pa|delỽ y bu
gyfyaỽn gan duỽ rodi gỽirion dros enwir.
Magister|Am dỽyỻaỽ o|r gỽaethaf y dyn mul. Jaỽn
vu yna rodi y gỽystyl goreu drostaỽ y w+
archae y gelyn. ac y eturyt yn diargywed
y hen rydit. ac ueỻy y dangosses duỽ y gary+
at y|r byt. Megys y dywedir. Ti a rodeist dy
vab y brynu dy was. discipulus Os efo e|hun a|rodes
y vab o|e vod. beth a bechaỽd Judas yr y ro+
di ynteu. Magister Y tat a|rodes y vab. a|r mab e|hun
a ymrodes yr karyat. Judas hagen a|e rodes
| « p 35 | p 37 » |