NLW MS. Peniarth 31 – page 3v
Llyfr Blegywryd
3v
lig kanys ef a leheir yn|y lle y gỽrthrychir teyr+
nas o·hanaỽ ỽrth gyueistyaỽ llys. Eissoes
o|r pan gymeront tir; eu breint a uyd ỽrth
vreint y tir a gynhalont.
OR pan eistedo brenhin yn|y eistedua yn
y teir gỽyl arbenhic; ef a lehaa ar y
asseu neb vn bonhedic a vo breint idaỽ o tif+
uedyaeth eisted ach y laỽ. kyghellaỽr ach
laỽ hỽnnỽ. Gwedy ynteu yr ebogyd. ac ar
y deheu y neb a vynho. Ac odyna eistedent
paỽb ac ym·parchent mal y mynhont. y tro+
ydaỽc a eisted dan trayt y brenhin. Ac* can+
hỽyllyd rac y vron.
OR pan sauo y distein yn|y neuad; a
dodi naỽd duỽ ar hon y brenhin ar
vrenhines ar gwyrda ac eu tagned ar y llys
ar niuer. A torro y tagned honno; nyt oes
idaỽ naỽd yn vn lle. kanys eu naỽd oll yn
gyffredin yỽ honno. Ac y ar uodeu paỽb; na+
ỽd y brenhin yn penhaf. Ac ỽrth hynny nyt
oes naỽd idaỽ y gan vn o·honunt nac y gan
greir nac y gan eglỽys. Ny dichaỽn vn o|r
sỽydocyon llys rodi naỽd ony byd vn o·hon+
unt yn seuyll drostunt oll. a dywetto may
| « p 3r | p 4r » |