NLW MS. Peniarth 33 – page 158
Llyfr Blegywryd
158
NẎ|dichaỽn neb o gẏfureith dilẏs ̷+
su tir ẏn erbẏn etiuedẏon ẏ|arall
onnẏt ar eu kẏtles. neu o|duun+
deb. neu o|aghau* kẏureithaỽl. na
rodi dim ohonnaỽ ar ẏsbait* heb
teruẏn gossodedic. ẏ gallo ẏ etiue+
dẏon ẏ|dillỽg os dros da ẏ|rodẏr
neu rac agheu ˄ac na dotter arnaỽ
namẏn deuparth ẏ|werth. Oni+
nẏt vellẏ ẏ|bẏd ẏ|etiued a|e keiff
pan ẏ|gouẏnho. o|r|dichaỽn gỽrthe+
eb drostaỽ ẏn gẏureithaỽl Y neb
a|gaffo tir dẏlẏaet trỽẏ dadleu ẏn
llẏs. A|thrỽẏ varn. Ac na allei ẏ|ga+
ffel hẏnnẏ. nẏ|dẏlẏ talu prit dros+
taỽ. Ac nẏ dẏlẏ golỽg dim o|da kẏ+
ffro a|ordiwetho ar tir ẏ|kẏnhalaỽ ̷+
dẏr. Pỽẏ|bẏnnac a|bresỽẏlho ar
tir dẏn arall heb ẏ gannat. dros
tri dieu. a|their nos. hoỻda kẏffro
hỽnnỽ perchen ẏ tir bieuuẏd ẏn
dilẏs Tri rẏỽ brit ẏssẏd ar|tir
vn ẏỽ. Gobẏr gỽarchadỽ. Eil ẏỽ
ẏr hỽnn a|rother ẏ achwanneccau
| « p 157 | p 159 » |