NLW MS. Peniarth 33 – page 160
Llyfr Blegywryd
160
tra bo bỽẏ* ~ ~ ~ ~ ~ ~ ~ ~ ~ ~ ~ ~ ~
O |r ẏmlad gỽr esgob neu abat
a|gỽr brenhin. neu deuỽr ẏ|r es+
gob a|gỽr ẏ|r abbat. ẏ brenhin bieu ̷
eu dirỽẏon Pỽẏ|bẏnnac a|ardo tir
dẏn arall dros naỽd ẏ|brenhin.
peder* keinnaỽc kẏureith a|tal ẏ
berchen ẏ|tir dros agori daẏar.
A pedeir keinnaỽc kẏureith dros
diot ẏr aradẏr o|r daẏar. A|chein+
naỽc dros bop kỽẏs a|mẏchoeles*
ẏr aradẏr Ac onnẏ wẏbẏdir rif
ẏ|cỽẏsseu. troetued vẏd llet pob
kỽẏs. ẏ|brenhin a|geiff ẏr aradẏr
A|r sỽch. a|r cỽlltỽr. a|r ẏrchen*. A ̷ ̷
gỽerth ẏ|troet deheu ẏ|r ameth*. A|r
llaỽ deheu ẏ|r geilwat Yn* neb a|gu+
dẏho dim ẏ|mẏỽn daẏar dẏn arall
trỽẏ glad. perchen ẏ|tir bieuuẏd
ẏ|gudua. onnẏt eurgraỽn vẏd.
kannẏs brenhin bieu pob eurg+
raỽn kudẏedic. A|phedeir kein+
naỽc kẏureith o|agori daẏar Y
n* neb a|glado annel ẏ|mẏỽn tir
| « p 159 | p 161 » |